Qashqadaryo viloyatining Qarshi shahrida sug‘urta polislari to‘lovlari bilan bog‘liq talon-torojlik aniqlandi, deb xabar beradi Bosh prokuratura huzuridagi departament.
Ma’lum qilinishicha, departamentning Qashqadaryo viloyat boshqarmasi tomonidan tadbirkorlik subyektlarining huquqlarini himoya qilish yuzasidan “K.S” AJning murojaatiga asosan tergovga qadar tekshiruv o‘tkazilgan. Tekshiruv davomida jamiyatning Qarshi shahar filiali sobiq menejeri Z.X. mijozlar bilan tuzilgan 129 dona sug‘urta polislari bo‘yicha 119,7 million so‘mlik to‘lovlarni qabul qilib, filialga kirim qilmasdan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Namanganda qaynota o‘g‘lining qarzini to‘lash uchun kelini nomiga 2 mlrd so‘m kredit olgani, Toshkent viloyatida 2,6 mlrd so‘m kredit mablag‘larini talon-toroj qilgan bank xodimi ushlangani, Namanganda fuqarolarga ajratilgan 223,5 mln so‘m imtiyozli kreditni qo‘lga kiritgan shaxs aniqlangani to‘g‘risida xabar berilgandi.
Mavzuga doir:
- Farg‘onada suv idorasi rahbari va boshqa mansabdor shaxslar 720 mln so‘mdan ortiq mablag‘ni talon-toroj qilgani aniqlandi
- O‘zbekistonda 23 ta uy-joy mulkdorlari shirkati tomonidan 1,7 mlrd so‘m talon-toroj qilingani aniqlandi
- Olmaliqda qariyb 220 mln so‘mlik nasos agregatorlarini o‘zlashtirgan korxona rahbari ushlandi
Izoh (0)