«Фарғона сув таъминоти» МЧЖ Комплаенс-назорат хизмати томонидан жамиятнинг бухгалтерия бўлимида содир этилган қонунбузилиш ҳолатлари ўрганиб чиқилди, деб хабар беради «Ўзсувтаъминот» матбуот хизмати.
Аниқланишича, жамиятнинг бош ҳисобчиси ўринбосари М.Т. 2020—2022 йиллар давомида ўз лавозим мавқеидан фойдаланиб, «Фарғона сув таъминоти» МЧЖнинг ҳисоб рақамидаги катта миқдордаги пул маблағларини фирибгарлик йўли билан ўзининг ва бошқа шахсларнинг пластик карталарига ўтказиб, жами 659,1 миллион сўм пул маблағларини ўзлаштирган.
Ҳозирда М.Т. томонидан 186 миллион сўм жамиятнинг депозит ҳисоб рақамига тўлаб берилган.
«Талон-торож қилинган қолган суммани ундириш мақсадида айни дамда Фарғона шаҳар прокуратураси томонидан терговолди суриштирув ишлари олиб борилмоқда», — дейилади хабарда.
Аввалроқ Қашқадарёда 1,5 млрд сўм кредит маблағини талон-торож қилган ферма раҳбари ушлангани, Самарқандда 1,5 млрд сўм кредит маблағини ўзлаштирган жамият раҳбарига жиноят иши қўзғатилгани, Чирчиқда корхона раҳбари тадбиркорнинг 533,6 млн сўмлик мулкини талон-торож қилгани тўғрисида хабар берилганди.
Мавзуга доир:
- Қашқадарёда солиқдан бўйин товлаб, 700 млн сўм солиқ пулини яширган қурувчи жавобгарликка тортилди
- Бухорода жамият раҳбари 11 кишидан фирибгарлик билан олган пулларга Spark, Malibu ва Captiva сотиб олгани аниқланди
- Қаршида суғурта полисларини сотишдан тушган 119,7 млн сўмни талон-торож қилган шахсга жиноят иши қўзғатилди
Изоҳ (0)