Bugun,

  • USD 11095.31
  • RUB 173.84
  • EUR 10772.44

Samarqand viloyatining Toyloq tumanida kredit mablag‘larini o‘zlashtirgan MCHJ rahbari aniqlandi, deb xabar beradi Bosh prokuratura huzurdagi departament.

Ma’lum qilinishicha, departamentning Toyloq tuman bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Tekshiruv davomida “D.I.” MCHJ rahbari SH.P. korxonaga qarashli omborxona va savdo do‘konlari bo‘lmasa-da, soxta hujjatlarni rasmiylashtirish orqali boshqa bir tadbirkorga tegishi ekskavatorni garov sifatida qo‘yib, bank filialidan aylanma mablag‘larni to‘ldirish uchun 1,5 milliard so‘m kredit ajratilishiga erishgani aniqlangan. U kredit mablag‘idan maqsadsiz foydalanib, talon-toroj qilgan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.

Avvalroq Chirchiqda korxona rahbari tadbirkorning 533,6 million so‘mlik mulkini talon-toroj qilgani, Farg‘ona va Namanganda o‘zgalar nomiga kredit rasmiylashtirgan shaxslarga jinoyat ishi ochilgani, Buxoroda jamiyat rahbari 11 kishidan firibgarlik bilan olgan pullarga Spark, Malibu va Captiva sotib olgani to‘g‘risida xabar berilgandi.

Izoh
Asosiy yangiliklar
Dunyo
Ilon Mask Twitter’da Apple reklamalari tiklanganini e’lon qildi
Dunyo
O‘zbekistondan Afg‘onistonga elektr energiyasi yetkazib berish to‘xtatildi
Mahalliy
Toshkentdagi gaz zapravkalari vaqtinchalik yopilmoqda