Iste’molchilar huquqlarini himoya qilish agentligiga o‘zlari bilmagan holda qarzlari bo‘lgan kvartirani sotib olgani va ularning ko‘pchiligida katta miqdordagi qarzlari bo‘lgan fuqarolardan ko‘plab murojaatlar kelib tushayotgani ma’lum bo‘ldi.
Bugungi kunda oldi-sotdi shartnomasi tuzayotganda kvartiraning egasi, avvalgidek, tegishli xizmatlardan qarzlarining yo‘qligini tasdiqlash uchun ma’lumotnomalar to‘plashga idorama-idora yugurishga hojat yo‘q, deya ma’lum qiladi Iste’molchilar huquqlarini himoya qilish agentligi.
Soliqlar, kommunal va boshqa majburiy to‘lovlar bo‘yicha ma’lumotlarni “Notarius” avtomatlashtirilgan axborot tizimidan foydalanib olish imkoniyati mavjud.
Xonadonning yangi egasi avvalgi egasi qarzlar uchun javobgarmi?
Qarzdorlik vujudga kelgan taqdirda shartnoma tuzishda soliqlar, kommunal xizmatlar va elektr energiyasi bo‘yicha uy-joy sotib oluvchi xaridor to‘lov uchun javobgar bo‘ladi.
Bu O‘zbekiston Yagona interaktiv davlat xizmatlari portali yoki “Notarius” avtomatlashtirilgan axborot tizimida taqdim etilgan qarzlar to‘g‘risidagi ma’lumotlar to‘g‘risidagi shartnoma bandida keltirilgan.
Shu sababli uy-joy kommunal xizmat ko‘rsatish xodimlari shartnomaning ushbu bandiga asoslanib, kvartiraning yangi egasidan uy-joy kommunal xizmat ko‘rsatish qarzini to‘lashni talab qilishlari mumkin.
Vazirlar Mahkamasining 2017-yil 27-fevraldagi qaroriga ko‘ra, “Notarius” AATga ishonchsiz va buzib ko‘rsatilgan ma’lumotlar taqdim etgan shaxslar javobgar bo‘ladi.
Bunday vaziyatda iste’molchi qanday yo‘l tutishi kerak?
Iste’molchilar huquqlarini himoya qilish agentligi tomonidan 2021-yilning avgust oyida Toshkent shahar Chilonzor tumanining 5-mavzesidan kvartira sotib olgan fuqaroning navbatdagi murojaati ko‘rib chiqildi.
2 oydan so‘ng iste’molchiga “Toshissiqquvvati” DUKning issiq suv va issiqlik ta’minoti uchun 13 mln 894 ming 825 so‘m (deyarli 20 yil davomida) qarz hisoblanganligi to‘g‘risida xabar beriladi.
“Qarzdor”ning qayta-qayta murojaatlari ijobiy natija bermadi. Tuzilgan shartnoma shartlariga ko‘ra, oldi-sotdi amalga oshirilgach, bitimdan so‘ng aniqlangan barcha kommunal qarzlarni qoplash mas’uliyatini xaridor o‘z zimmasiga oladi.
“Iste’molchilar huquqlarini himoya qilish to‘g‘risida”gi qonunga asosan (19-modda) ijrochi ayrim turdagi ishlarni bajarish (xizmatlar ko‘rsatish) qoidalarida yoki shartnomada belgilangan muddatda, hajmda va sifatda ishni bajarishi (xizmat ko‘rsatishi) shart.
Shuningdek, (21-modda) sotuvchi (ijrochi) iste’molchini haq evaziga qo‘shimcha tovarlar sotib olishga yoki qo‘shimcha xizmatlardan foydalanishga qistashga, shuningdek ko‘rsatilmagan xizmatlar uchun haq olishga haqli emas.
Agentlik tomonidan o‘tkazilgan o‘rganishlar natijasida iste’molchining huquqlari tiklandi. “Toshissiqquvvati” DUK tomonidan issiq suv va issiqlik ta’minoti uchun 13 mln so‘mdan ortiq asossiz qarz hisobdan chiqarildi.
Izoh (0)