Toshkent shahri Chilonzor tumanida 12-may kuni odam o‘limi bilan bog‘liq yo‘l-transport hodisasi sodir bo‘ldi. Bu haqda shahar Ichki ishlar bosh boshqarmasi xabar qildi.
Qayd etilishicha, shu kuni tungi soat 03:00 larda Chilonzor tumani Bunyodkor shohko‘chasida U.M. (1999-yilda tug‘ilgan) Spark avtomobilini ishonchnoma asosida boshqarib, tezlikni oshirgan. So‘ng rul boshqaruvini yo‘qotib, yo‘lni ajratib turuvchi qismidagi beton ustunga urilgan.
YTH oqibatida avtomobil haydovchisi olgan tan jarohatlari bilan voqea joyida vafot etgan. Аvtomobil yo‘lovchisi K.Sh. (1995-yilda tug‘ilgan) shifoxonaga olib borilgan. Shifokorlarning yordamiga qaramasdan, vafot etgan.
Holat yuzasidan Jinoyat kodeksining 266-moddasi 3-qismi bilan jinoyat ishi qo‘zg‘atilgan. Hozirda tergov davom etmoqda.
Avvalroq Yunusobodda Tracker YPX xodimi tomonidan to‘xtatilgan Cobalt va inspektorni urib yuborib, ag‘darilgani, Navoiyda 25 nafar yo‘lovchi bo‘lgan avtobus ag‘darilib ketgani, Andijonda Nexia-3 bilan to‘qnashgan Tico ikkiga bo‘linib ketgani xabar qilingandi.
Izoh (0)