Finlyandiyaning yirik yuk tashuvchi operatori Nurminen Logistics Xitoydan Rossiyani aylanib o‘tuvchi birinchi konteyner yo‘nalishi ishga tushirilishi haqida gapirdi. Bu haqda kompaniya saytida xabar berildi.
Ma’lum bo‘lishicha, birinchi to‘liq o‘lchamli konteyner poyezdi 10-may kuni yangi Transkaspiy yo‘nalishi bo‘yicha Xitoydan jo‘nab ketdi. Uning yo‘nalishi Qozog‘iston, Ozarbayjon, Gruziya, Ruminiya va Markaziy Yevropadan o‘tadi.
Kompaniyaning ta’kidlashicha, yangi yo‘nalish “Qozog‘iston temir yo‘llari” bilan birgalikda ikki yil ichida noldan qurilgan.
Nurminen Logistics kompaniyasi bosh direktori Olli Poxjanvirtaning aytishicha, yo‘nalishning ochilishi “Xitoy temir yo‘llari”dan hamkorlikka ishonch va kompaniya mijozlarining ishonchini talab qiladi.
Xulosa o‘rnida ta’kidlanishicha, Transkaspiy yo‘nalishi Osiyo va Shimoli davlatlari o‘rtasidagi mavjud temir yo‘l kompaniyalari hamda Norvegiya, Shvetsiya va Finlyandiya o‘rtasidagi konteyner poyezdlari qatnovini mustahkamlaydi.
17-mart kuni kompaniya Rossiyadagi vakolatxonasini vaqtincha yopdi. 26-mart kuni “Rossiya temir yo‘llari” Finlyandiyaga yuk jo‘natishni to‘xtatdi.
Avvalroq Rossiyani aylanib o‘tish tufayli dunyodagi eng uzun havo yo‘li paydo bo‘lgani haqida xabar berilgan edi.
Izoh (0)