Финляндиянинг йирик юк ташувчи оператори Nurminen Logistics Хитойдан Россияни айланиб ўтувчи биринчи контейнер йўналиши ишга туширилиши ҳақида гапирди. Бу ҳақда компания сайтида хабар берилди.
Маълум бўлишича, биринчи тўлиқ ўлчамли контейнер поезди 10 май куни янги Транскаспий йўналиши бўйича Хитойдан жўнаб кетди. Унинг йўналиши Қозоғистон, Озарбайжон, Грузия, Руминия ва Марказий Европадан ўтади.
Компаниянинг таъкидлашича, янги йўналиш «Қозоғистон темир йўллари» билан биргаликда икки йил ичида нолдан қурилган.
Nurminen Logistics компанияси бош директори Олли Похжанвиртанинг айтишича, йўналишнинг очилиши «Хитой темир йўллари»дан ҳамкорликка ишонч ва компания мижозларининг ишончини талаб қилади.
Хулоса ўрнида таъкидланишича, Транскаспий йўналиши Осиё ва Шимоли давлатлари ўртасидаги мавжуд темир йўл компаниялари ҳамда Норвегия, Швеция ва Финляндия ўртасидаги контейнер поездлари қатновини мустаҳкамлайди.
17 март куни компания Россиядаги ваколатхонасини вақтинча ёпди. 26 март куни «Россия темир йўллари» Финляндияга юк жўнатишни тўхтатди.
Аввалроқ Россияни айланиб ўтиш туфайли дунёдаги энг узун ҳаво йўли пайдо бўлгани ҳақида хабар берилган эди.
Изоҳ (0)