Shavkat Mirziyoyev Yashnobod tumanining “Ahmad Yassaviy” mahallasida bo‘lib, ommaviy axborot vositalari xodimlari bilan suhbatlashdi, deb xabar bermoqda “Daryo” muxbiri.
Prezident “Uch avlod bog‘i” haqida gapirib o‘tdi.
“Avval bu joylar noobod joylar edi. Hozir esa ancha chiroyli bo‘ldi. Bu yerdagi aholi ham ancha xursand bo‘ldi. Ekologiya masalasi ham bor bunda. Masalan, hozirgi issiq havo o‘tgan yili 10-iyunda bo‘lgan edi. Bu yer esa salqin, insonlar uchun qulay joy bo‘ldi”, — dedi davlat rahbari.
Shuningdek, prezident ommaviy axborot vositalari bo‘layotgan islohotlarni xalqimizga yetkazib beradigan asosiy kuch ekanligini aytdi.
“Har bir sohaga alohida e’tibor qaratilayotganini ham ko‘ryapsizlar. Biz hozirgi ishlarni birgalikda amalga oshiryapmiz. Insonlarga bu ishlarni aniq, oddiy tilda tushuntirib bersalaringiz, ular bilishadi, hayotdan minnatdor bo‘lishadi. Sizlar bilan suhbatlashsam, men ham kuch olaman”, — deydi Shavkat Mirziyoyev.
Izoh (0)