Davlat soliq qo‘mitasi tomonidan 29-apreldan 6-mayga qadar o‘tkazilgan o‘rganish natijalaridan kelib chiqib, yanvar–mart oylari uchun iste’molchilarga yana 4,2 mlrd so‘m keshbek to‘lab berildi, deya xabar bermoqda Qo‘mita matbuot xizmati.
Natijada yil boshidan buyon iste’molchilarga to‘langan summa 72,3 mlrd so‘mga yetdi.
Ma’lumot uchun, O‘zbekistonda 2022-yil 1-yanvardan xarid cheklarini “Soliq” mobil dasturi orqali ro‘yxatdan o‘tkazgan jismoniy shaxslar xarid summasidan 1 foiziga keshbekka ega bo‘lmoqda.
2021-yilning oktabr oyida prezidentning nazorat-kassa texnikasidan foydalanishni takomillashtirishga doir qarori qabul qilingandi. Hujjat bilan 2022-yil 1-yanvardan boshlab chakana savdo, umumiy ovqatlanish va aholiga maishiy xizmat ko‘rsatish obyektlarida xaridni amalga oshirgan hamda ushbu xaridni soliq organlarining maxsus mobil ilovasida xarid chekining QR-kod yordamida skanerlash orqali ro‘yxatdan o‘tkazgan jismoniy shaxslarga ularning bank kartalariga oy yakuni bilan xarid summasining 1 foizi respublika budjetidan qaytariladi.
Izoh (0)