Isroilning Elad shahridagi istirohat bog‘ida mamlakat Mustaqilligi kunini nishonlash vaqtida ikki erkak o‘tkinchilarga hujum qildi, deb xabar bermoqda The Times of Israel shifokorlarga tayanib.
Hujum oqibatida uch kishi halok bo‘lgan, yetti kishi yaralangan. Jerusalem Post va Haaretz to‘rt nafar jabrlanuvchi haqida yozgan va ulardan ikki nafarining jarohati og‘irligini qayd etgan.
Guvohlarning so‘zlariga ko‘ra, hujumchilardan biri o‘qotar qurol, ikkinchisi bolta yoki katta pichoq bilan qurollangan bo‘lgan. Ular parkning turli qismlarida operatsiya olib borgan va hujumdan keyin qochib ketgan. Ayni paytda ularni qidirmoqda.
The Times of Israel nashriga ko‘ra, Falastinning HAMAS guruhi hujumni “qahramonlik operatsiyasi” deb atagan. Qayd etilishicha, bu yahudiylarning 5-may kuni musulmonlar va yahudiylar uchun muqaddas joy bo‘lgan Ma’bud tog‘iga tashrifiga javoban uyushtirilgan.
Mart oyi oxiridan beri kamida 16 nafar isroillik teraktlar qurboni bo‘ldi, deb yozadi nashr. Hujumlarning ko‘payishiga javoban Isroil armiyasi reydlar uyushtirgan, oqibatda esa 26 nafar falastinlik o‘ldirilgan.
Aprel o‘rtalarida falastinliklar va Isroil xavfsizlik kuchlari o‘rtasidagi taranglik yana kuchaydi. Ma’bad tog‘idagi al-Aqso masjidi atrofida ikki tomonning to‘qnashuvlari bo‘lib o‘tdi.
Izoh (0)