Toshkent viloyatida Tojikistondan kirib kelgan yuk poyezdi ostida yashirilgan salkam 2 kilo narkotik topildi. Bu haqda DXX matbuot xizmati xabar berdi.
Ma’lum qilinishicha, Toshkent viloyati Bekobod tumani “Bekobod-temiryo‘l” xalqaro o‘tkazish punktiga Xo‘jand—Aris yo‘nalishida Tojikistondan kirib kelgan yuk poyezdi hamda uning tarkibida bo‘lgan vagonlar belgilangan tartibda DXX chegara qo‘shinlari harbiy xizmatchilari hamda Davlat bojxona qo‘mitasi xodimlari hamkorligida xizmat itlari yordamida ko‘zdan kechirilgan.
Tekshiruv davomida qurilish mollarini tashishga mo‘ljallangan vagonlardan birining juft g‘ildiraklarini ulab turuvchi tayanch asosining g‘ovagida qora rangli polietilen paket borligi aniqlangan. Paket xolislar va mutaxassislar ishtirokida ochib ko‘rilganda, uning ichidagi ikki o‘ramda 1 kilogramm 949 gramm opiy giyohvandlik vositasi bo‘lgan.
Hozirda mazkur holat yuzasidan Jinoyat kodeksining 246-moddasi 2-qismi (giyovandlik vositalarini ko‘p miqdorda kontrabanda qilish) bilan jinoyat ishi qo‘zg‘atilgan.
Mavzuga doir:
- Toshkent viloyatida Tojikistondagi narkokuryer yuborgan 9 kilodan ortiq giyohvand moddani sotib bermoqchi bo‘lgan shaxslar ushlandi
- Afg‘onistondan O‘zbekiston orqali giyohvand moddalarni olib o‘tishga urinishlar ortgani ma’lum qilindi
- “Yarim tonna narkotik moddalar, 1 mln dollar naqd xorijiy valyuta to‘xtatib qolindi” – Bojxona qo‘mitasi
Izoh (0)