Samarqand viloyati IIB hamda DXX viloyat boshqarmasi xodimlari hamkorligida Urgut tumanida narkotrafikka qarshi kurash yo‘nalishida o‘tkazilgan tezkor tadbirda 5 kiloga yaqin giyohvandlik moddalari aylanmasiga chek qo‘yildi.
Viloyat IIB xabariga ko‘ra, tadbirda tumanda yashovchi S.S. ( 2003-yilda tug‘ilgan) boshqa bir fuqaroga 600 dollar evaziga 6,76 gramm geroin sotayotganida qo‘lga olingan.
Tadbir davom ettirilib S.S.ning yashash xonadonida bo‘lgan 957,53 gramm geroin, 2 kilogramm 614,51 gramm opiy, 285,6 gramm gashish va 758,5 gramm marixuana giyohvandlik vositalari olib qo‘yilgan.
Shuningdek, S.S.ning jinoiy sherigi, Urgut tumanida yashovchi X.A.ning (1976-yilda tug‘ilgan) yashash manzilida 2,84 gramm opiy giyohvandlik moddasi saqlab kelgani aniqlanib, protsessual tartibda hujjatlashtirib olingan.
O‘tkazilgan tadbirlar natijasida jami 4 kilogramm 628 gramm giyohvandlik vositalari tarqalishiga chek qo‘yilgan. Hozirda ushbu shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Izoh (0)