Andijonda boshqaruvni yo‘qotgan Lacetti yo‘l chetida qulupnay sotayotgan fuqaroni urib ketdi. Bu haqda viloyat IIB matbuot xizmati xabar berdi.
Ma’lum qilinishicha, voqea 29-aprel kuni soat 14:00 lar atrofida Oltinko‘l tumani hududidan o‘tgan avtomobil yo‘lida yuz bergan. Lacetti haydovchisi boshqaruvni yo‘qotib, yo‘l chetida qulupnay sotib turgan fuqaroni urib ketgan. Oqibatda og‘ir tan jarohati olib, hushsiz holatda bo‘lgan sotuvchi shifoxonaga olib ketilgan.
“Yo‘l harakati ishtirokchilariga xalaqit bermaslik uchun fuqarolardan belgilanmagan joylarda noqonuniy savdo-sotiq ishlari bilan shug‘ullanmasliklarini so‘rab qolamiz”, — deyiladi IIB xabarida.
Izoh (0)