Qashqadaryo tog‘larida Qizil kitobga kiritilgan qo‘ng‘ir ayiq va uning ikki bolasi aholi tomondan suratga tushirilgani haqida xabar berilgandi. “Kun.uz” nashri topilgan qo‘ng‘ir ayiq bolalaridan biri o‘ldirilgani haqida ma’lumot berdi. Davlat ekologiya qo‘mitasi holatga munosabat bildirdi.
Qayd etilishicha, vaziyat yuzasidan o‘rganish ishlari olib borilmoqda. O‘rganish natijalari bo‘yicha batafsil axborot beriladi.
“Davlat ekologiya qo‘mitasi bunday vahshiy holatlarni qat’iy qoralaydi va albatta, huquqbuzarlarni qonuniy tartibda jazoga tortilishini o‘z nazoratiga oladi”, — deyiladi xabarda.
Avvalroq Toshkent viloyatida itini “Jiguli” tomidagi yukxonaga bog‘lab harakatlangan haydovchi sudga berilgandi. Shuningdek, Toshkentda itni o‘ldirib, vannaga osib qo‘ygan erkak 2,5 mln so‘m jarimaga tortilgani va Qashqadaryoda yosh bola ko‘z o‘ngida eshaklarni kaltaklagan ota 12 sutkaga qamalgani xabar qilingan.
Izoh (0)