Жиззах вилояти Ғаллаорол туманидаги қурилиши тугалланмаган кўп қаватли турар жой биноси кимошди савдосига қўйилди. Лот маълумотлари «E-auksion» порталида эълон қилинган.
Лот изоҳида ёзилишича, бинонг 1-қаватда фойдаланилаётган қисми ва 6-қавати савдога қўйилмаган. Қурилиши тугалланмаган турар жой биноси 9 қават ва 390 хонадан иборат.
Ер участкасининг умумий майдони 0,35 гектар. Бинонинг майдони — 1568 квадрат метр. Лот аукционга иқтисодий судлар ҳукми билан Жиззах шаҳар МИБ томонидан қўйилган.
Аукционга қўйилган бино қисмларининг бошланғич баҳоси — 13,3 млрд сўм. Аризалар 19 май 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги ҳовли МИБ томонидан 5,2 млрд сўмга аукционга қўйилгани ҳақида хабар берилган эди.
Изоҳ (0)