«Челси» ҳимоячиси Антонио Рюдигер фаолиятини «Реал»да давом эттиради.
Журналист Фабрицио Романонинг хабар беришича, Мадрид клуби 29 ёшли ҳимоячи билан 2026 йил июнь ойига қадар мўлжалланган шартнома борасида келишувга эришган.
Барча керакли ҳужжатларни имзолашдан олдин баъзи тафсилотларни ҳал қилиш қолди. Немис футболчиси май ойида «Реал» билан битим имзоласа ҳам бу ҳақида мавсум сўнгида расман эълон қилинади.
Аввалроқ «Челси» бош мураббийи Томас Тухель Рюдигернинг жамоадан кетишини тасдиқлаганди.
Антонио Рюдигер 2021/22 йилги мавсум «Челси» сафида барча мусобақаларда 47 та ўйинда иштирок этиб, 5 та гол ва 2 та голли узатмани амалга оширди. Унинг лондонликлар билан амалдаги шартномаси 2022 йилнинг ёзида ўз якунига етади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)