“Barselona” Ispaniya chempionatining qoldirilgan 21-turida “Rayo Valyekano” bilan bahs olib bordi va 0:1 hisobida imkoniyatni boy berdi.
Kataloniyaliklar ilk bor bir mavsum davomida o‘z maydonida ketma-ket 3 o‘yinda mag‘lubiyatga uchradi. Bunga qadar Xavi shogirdlari “Kadis” (0:1) va “Ayntraxt”ga (2:3) qarshi bahslarda raqibga yengilgan edi.
“Barselona” shu vaqtga qadar hech qachon bir mavsumda o‘z maydonida ketma-ket 3 marta mag‘lubiyatga uchramagandi. Faqatgina 1997/98-yilgi mavsum oxiri va 1998/99-yilgi mavsum boshida o‘z maydonida o‘tgan 3 ta o‘yinda imkoniyatni boy bergan.
Shuningdek, “ko‘k-anorranglilar” joriy mavsum “Rayo Valyekano”ga qarshi ikkala bahsda ham mag‘lubiyatga uchradi. Birinchi davrada madridliklar Radamel Falkaoning yagona goli evaziga g‘alabani ilib ketgandi. “Barselona” o‘z tarixida ilk bor “Rayo”ga qarshi La Liganing har ikkala davrasida mag‘lub bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)