22 апрелдан бошлаб Ўзбекистоннинг Украинадаги элчихонаси Киев шаҳрида ўзининг тўлақонли фаолиятини бошлайди. Бу ҳақда Ташқи ишлар вазирлиги вакили хабар берди.
Март бошларида Ташқи ишлар вазирлиги Украинадаги вазият туфайли Ўзбекистон элчихонасини бошқа шаҳарга кўчириш масаласи режалаштирилмаётганини маълум қилганди. «Айни пайтда бизнинг асосий устувор вазифамиз Украинадаги мавжуд оғир вазиятни инобатга олган ҳолда барча Ўзбекистон фуқароларини хавфсиз эвакуация қилишни таъминлашдир. Элчихонанинг бошқа ҳудудга кўчирилиши бу жараёнлар самарадорлигини сезиларли даражада пасайтиради. Шу нуқтаи назардан ҳозирда элчихонамизни Киевдан кўчириш масаласи кўриб чиқилмаяпти», — дейилганди хабарда. Март ўрталарига келиб эса элчихонаси вақтинча Львов шаҳрига кўчирилганди.
Ўзбекистон элчихонаси манзили: Киев шаҳри Владимирская кўчаси, 16, 01901.
Телефон: +380 44 501 50 00 (умумий саволлар), +380 44 501 41 81 (умумий саволлар), +380 44 501 41 82 (консуллик бўлими), +380 44 501 41 83 (консуллик бўлими).
Аввалроқ Украина президенти Вларимир Зеленский хориж элчихоналарига Киевга қайтишни таклиф қилганди.
Изоҳ (0)