Фарғона вилояти Фарғона шаҳрида фуқарони алдаб, нотурар жой ва пул маблағини қўлга киритган шахсга жиноят иши қўзғатилди. Бу ҳақда вилоят Ички ишлар бошқармаси хабар қилди.
Қайд этилишича, 2021 йилнинг 18 ноябрь куни фуқаро М.Э. ИИБга мурожаат қилган. Унда шу куни номаълум шахс унинг ишончига кириб, алдов йўли билан унга тегишли бўлган 15 минг долларлик нотурар жойни ўз номига расмийлаштириб олганини маълум қилган. Ушбу шахс фуқаронинг турар жойидан вақтинча фойдаланиб, сўнг қайтариб бериш шарти билан 3 минг доллар маблағини олган ва пуллар ҳамда нотурар жойни қўлга киритган.
Ҳолат юзасидан Жиноят кодексининг 168-моддаси (фирибгарлик) 4-қисми «а» банди билан жиноят иши қўзғатилган.
Олиб борилган тадбирлар натижасида ушбу жиноятни Ў.С. содир этгани аниқланиб, унга нисбатан суд томонидан қамоққа олиш тарзида эҳтиёт чораси қўлланилган.
Юқорида кўрсатилган жиноятни содир этган шахс ўн йилгача озодликдан маҳрум қилиш билан жазоланиши мумкин.
Мавзуга доир:
- Бухорода 27 кишига Россияга бориш учун қалбаки авиачипта сотган шахслар аниқланди
- Қорақалпоғистонда боқиш учун балиқ етказиб беришини айтиб, фуқароларни 670 млн сўмга чув туширган шахслар аниқланди
- Самарқандда хориждан ўқишни кўчириш учун қалбаки ҳужжат тайёрлаб бериш эвазига 2 минг доллар олган шахс ушланди
Изоҳ (0)