Namangan viloyatida 3 ta transport vositasi ishtirokida yo‘l-transport hodisasi sodir bo‘ldi, deya xabar qilmoqda viloyat YHXB.
Qayd etilishicha, 2022-yil 19-aprel kuni soat 09:00 lar chamasi 4R-118 Jiydakapa–Uychi–Chortoq–Yangiqo‘rg‘on avtomobil yo‘lining 17-kilometrida Spark haydovchisi qarshisidan harakatlanib kelayotgan yuk avtomashinasining chap orqa yoniga urilgan.
Shundan so‘ng yuk avtomashinasi boshqaruvni yo‘qotib, qarshisidan harakatlanib kelayotgan “VAZ-2106” rusumli transport vositasining chap orqa tomoniga shikast yetkazgan.
Oqibatda Spark haydovchisi va 2 nafar yo‘lovchi turli xil tan jarohatlari bilan shifoxonaga murojaat qilgan. Hozirda holat yuzasidan surishtiruv ishlari olib borilmoqda.
Izoh (0)