Наманган вилоятида 3 та транспорт воситаси иштирокида йўл-транспорт ҳодисаси содир бўлди, дея хабар қилмоқда вилоят ЙҲХБ.
Қайд этилишича, 2022 йил 19 апрель куни соат 09:00 лар чамаси 4Р-118 Жийдакапа–Уйчи–Чортоқ–Янгиқўрғон автомобиль йўлининг 17-километрида Spark ҳайдовчиси қаршисидан ҳаракатланиб келаётган юк автомашинасининг чап орқа ёнига урилган.
Шундан сўнг юк автомашинаси бошқарувни йўқотиб, қаршисидан ҳаракатланиб келаётган «ВАЗ-2106» русумли транспорт воситасининг чап орқа томонига шикаст етказган.
Оқибатда Spark ҳайдовчиси ва 2 нафар йўловчи турли хил тан жароҳатлари билан шифохонага мурожаат қилган. Ҳозирда ҳолат юзасидан суриштирув ишлари олиб борилмоқда.
Изоҳ (0)