Shavkat Mirziyoyev raisligida 19-aprel kuni o‘tkazilgan videoselektor yig‘ilishida mahallabay ishlash tizimida amalga oshirilishi zarur bo‘lgan bir qator vazifalar belgilab berildi. Bu haqda prezident matbuot kotibi xabar qildi.
Qayd etilishicha, respublika bo‘yicha 2 mingdan ziyod mahalla xizmatlar sohasiga ixtisoslashgan. Prezident aholisi ko‘p qishloqlarda shaharlardagi mavjud xizmatlarni imkon qadar yo‘lga qo‘yish lozimligini ko‘rsatib o‘tgan. Mutasaddilarga aholisi 20 mingdan oshadigan 3-4 ta mahalla uchun kamida 1 tadan mahallalararo chakana savdo va xizmat ko‘rsatish markazlarini tashkil etish bo‘yicha loyiha tashabbuskorlarini aniqlash topshirilgan.
Ushbu markazlar ham, mikrosanoat markazlari kabi 5 yil muddatga yer va mol-mulk solig‘idan ozod etilishi belgilangan. Bu orqali viloyat hokimlari mahallalarda ikkinchi chorakda xizmatlar sohasida 140 mingta ish o‘rni yaratishi zarurligi ta’kidlangan.
Mavzuga doir:
- O‘zbekistonda kasanachilar bilan ishlaydigan tadbirkorlarga 500 mlrd so‘m ajratiladi
- “Hokim yordamchilari kredit, subsidiya, yer olib beraman, deb tamagirlik qilayotgani juda achinarli holat” — Shavkat Mirziyoyev
- Shavkat Mirziyoyev hokimlarga 3,5 mingdan ortiq mahallaga borib, muammolarni hal qilish vazifasini qo‘ydi
Izoh (0)