Shavkat Mirziyoyev raisligida 19-aprel kuni o‘tkazilgan videoselektor yig‘ilishida dehqonchilik va bog‘dorchilikka ixtisoslashgan 2,5 mingta mahalla lider tadbirkorlar orqali rivojlantirilishi aytildi. Bu haqda prezident matbuot kotibi xabar qildi.
Qayd etilishicha, dehqonlar mavsumga o‘z vaqtida tayyorgarlik ko‘rishi uchun Qishloq xo‘jaligi jamg‘armasiga 2 trillion so‘m ajratilgan. Ushbu resurs hisobidan ikkinchi chorakda qo‘shimcha 350 milliard so‘m yo‘naltiriladi. Mablag‘lar lider tadbirkorlar orqali urug‘, ko‘chat, o‘g‘it sotib olish va boshqa xarajatlar uchun beriladi.
Ajratilgan pullar evaziga 250 ta og‘ir mahalladagi 165 ming nafar aholi bandligini ta’minlash vazifasi qo‘yilgan. Yana 2,5 mingta chorvachilik, parrandachilik, baliqchilik, asalarichilikka ixtisoslashgan mahallani rivojlantirish uchun:
- kamida 1,5 mingta mahallaga inkubator;
- har bir viloyatda kamida 20 mingta xonadonga 20-100 tadan xonaki tovuq;
- 1000 tagacha mahallada 5-10 ta xonadonga asalari uyalari tarqatiladi.
Mavzuga doir:
- “Hokim yordamchilari kredit, subsidiya, yer olib beraman, deb tamagirlik qilayotgani juda achinarli holat” — Shavkat Mirziyoyev
- O‘zbekistondagi 18 ta shahar va tuman hokimi o‘rinbosarlari ishdan olindi
- O‘zbekistonda ijobiy natijaga erishgan qariyb 3 ming nafar hokim yordamchisiga tashakkurnoma beriladi
Izoh (0)