Футбол бўйича Италия А Сериясининг 33-турида «Ювентус» 16 апрель, шанба куни «Болонья» билан баҳс юритди.
Туринда кечган баҳс 1:1 ҳисобидаги дуранг натижа билан якунланди. 52-дақиқада Марко Арнаутович меҳмонларни ҳисобда олдинга олиб чиқди. 90+5-дақиқада эса Душан Влаҳович «кекса синьора»ни мағлубиятдан қутқариб қолган голга муаллифлик қилди.
Қайд этиш керак, 84-дақиқада «Болонья»нинг бир-йўла икки футболчисига қизил карточка кўрсатилди. Адама Сумаоро қўполлик, Гари Медель эса ҳакамга эътироз билдиргани учун майдонни шерикларидан аввал тарк этди.
«Ювентус» 33-турдан кейин 63 очко билан 4-ўринни банд этиб турибди. «Болонья» эса 38 очко билан 13-поғонада жойлашган.
А Серия
33-тур баҳслари
16 апрель, шанба
«Ювентус» – «Болонья» 1:1
Голлар: 0:1 – 52 Арнаутович, 1:1 – 90+5 Влаҳович.«Ювентус»: Шченсни, де Шилё (Кин, 86), Кьеллини (Алекс Сандро, 75), де Лигт (Бонуччи, 59), Пеллегрини (Закария, 60), Данило, Куадрадо, Рабьо, Мората, Дибала (Бернардески, 59), Влаҳович.
«Болонья»: Скорупски, Ҳики, Медель, Сумаоро, Теате, Дейкс, Сориано (Касиус, 74; Домингес, 87), Сванберг (Эбишер, 74), Схаутен, Арнаутович (Барроу, 65), Орсолини (Бонифаци, 87).
Огоҳлантиришлар: Теате (13), Сванберг (19), Куадрадо (31), Арнаутович (41), Медель (84).
Четлатишлар: Медель (84), Сумаоро (84).
Изоҳ (0)