O‘zbekiston Ukrainadagi urush oqibatlarini yumshatishga e’tibor qaratib, to‘g‘ri qaror qabul qildi. Bu Xalqaro valyuta jamg‘armasi hisobotida aytiladi.
Chora-tadbirlar:
- oziq-ovqat xavfsizligini ta’minlash;
- kam ta’minlangan oilalarni qo‘llab-quvvatlash;
- makroiqtisodiy va moliyaviy barqarorlikni saqlash;
- savdo kanallari va moliyaviy oqimlarning xavfsizligini ta’minlashga qaratilgan.
Tahlilchilarning qayd etishicha, O‘zbekiston kompaniyalari, xalqaro operatsiyalarni sanksiyasiz kanallar orqali amalga oshirib, vaziyatga nisbatan tez moslasha olgan.
Biroq logistika muammolari katta bo‘lib, kechikishlarga olib keladi va xarajatlarni sezilarli darajada oshiradi.
Yangi noqulay omillarni hisobga olgan holda, 2022-yilda O‘zbekiston iqtisodiyotining o‘sishi 3-4 foizgacha sekinlashishi kutilmoqda. Taqqoslash uchun, bundan oldin 6 foiz prognoz qilingan edi.
Rossiyadan pul o‘tkazmalari va moliyalashtirishning kamayishi iste’mol va investitsiyalarning kamayishiga olib keladi.
Joriy hisob taqchilligi oshishi kutilmoqda, bunda pul o‘tkazmalarining qisqarishi importning kamayishi va tovar eksporti daromadlarining ko‘payishi hisobiga qisman qoplanadi.
Jahon miqyosida oziq-ovqat va yonilg‘i narxlarining keskin ko‘tarilishi tufayli inflyatsiya joriy yilda 12 foiz darajasida saqlanib qolishi kutilmoqda.
Avvalroq Rossiyaning Ukrainaga bostirib kirishi O‘zbekistonda iqtisodiy o‘sishni qanday va qanchaga sekinlashtirishi haqida xabar berilgan edi.
Izoh (0)