Ikkilamchi ko‘chmas mulk bozorida narxlar ketma-ket uch oy davomida o‘sib bormoqda. Bu Markaziy bank sharhida qayd etilgan (.pdf).
Mart oyi oxiriga kelib narxlar 2021-yil dekabriga nisbatan 10 foizga oshdi:
Yanvar–fevral oylarida narxlarning oshishi aholining yalpi daromadlari, xususan, qo‘shimcha to‘lovlar va pul o‘tkazmalari bo‘yicha daromadlar o‘sishining davom etishi bilan izohlanadi (2021-yil yakuni bo‘yicha aholining real qiymatda 12,1 foizga oshgan edi).
Bundan tashqari, chorakning dastlabki ikki oyida xalqaro o‘tkazmalarning o‘sishi 2021-yilning shu davriga nisbatan 21 foizga yuqori bo‘ldi.
Mart oyida narxlarning oshishi, shuningdek, uy-joy sotuvchilari ko‘chmas mulk qiymatiga valyuta risklarini kiritishi bilan bog‘liq bo‘lishi mumkin.
Avvalroq O‘zbekistondagi yangi uylarning o‘rtacha narxlari ma’lum bo‘lgani haqida xabar berilgan edi.
Izoh (0)