Fevral oyi oxiridan boshlab Ukrainaga qarshi urushni qo‘llab-quvvatlamaydigan yuz minglab rossiyaliklar boshqa davlatlarga, jumladan, O‘zbekistonga ko‘chib o‘tgan. “Kommersant FM” ularning ba’zilari bilan suhbatlashib, nima uchun aynan O‘zbekistonni tanlagani va bu yerda qanday yashayotganliklarini bilib oldi.
“Mamlakat ochiq bo‘ldi”
O‘zbekistonning asosiy afzalliklaridan biri Rossiya fuqarolari uchun vizasiz rejimdir. Bundan tashqari, oxirgi uch yil davomida mamlakat “Biznes yuritish” reytingida ham o‘z o‘rnini sezilarli darajada mustahkamladi va kompaniyalarni ro‘yxatdan o‘tkazish qulayligi bo‘yicha yetakchi 10 davlat qatoriga kirdi.
Mamlakatda, umuman olganda, tadbirkorlik uchun juda qulay sharoitlar yaratilgan, deydi tadbirkor Rustam Avezov:
O‘zbekistonda iqtisodiyot endigina rivojlana boshladi, mamlakat ochiq bo‘ldi, yirik jahon brendlari keldi. Ko‘pgina korxonalar chet elliklar uchun ish taklif qilmoqda.
Hukumat yaqinda xorijliklarga “eshiklarini kengroq ochdi” — may oyidan boshlab xorijiy davlatlar fuqarolari ro‘yxat bo‘yicha yangi ko‘chmas mulk sotib olish shaklida investitsiya kiritish huquqiga ega bo‘ldi, yashash guvohnomasini olish uchun talab etiladigan ko‘chmas mulk qiymati miqdori Toshkent viloyati va Toshkent shahrida 400 000 dollardan 300 000 dollar ekvivalentigacha kamaytirildi.
Bu birinchi navbatda xorijiy kompaniyalar bilan ishlaydiganlarga rossiyaliklarga qiziq bo‘ladi, deydi “KRK Grup” konsalting kompaniyasining Lyuksemburgdagi vakolatxonasi rahbari Nikita Ryabinin:
O‘zbekiston eksport-import operatsiyalari uchun tashqi dunyo bilan muayyan to‘lovlarni amalga oshirish imkonini beruvchi yurisdiksiyalardan biriga aylandi va logistikaning bir qismi ham respublika orqali o‘tadi. Kompaniyalar ushbu yurisdiksiya imkoniyatlarini faqat mamlakatga investitsiyalar emas, balki ba’zi operatsiyalar nuqtai nazaridan ko‘rib chiqadilar.
Chet elliklar oqimi fonida kvartira ijarasi qimmatlasha boshladi, ammo Toshkent hali ham Moskvadagi narxlardan yiroq. Shu bilan birga, bu yerda biznes qilish ancha oson, deydi aroma moylarini sotuvchi Anna:
Toshkentga ko‘chib kelganimda bu bozor haqida umuman hech narsa bilmasdim, lekin hozir haftada uchta uchrashuv o‘tkazaman. Taqqoslah uchun, Rossiyada haftada bittasi zo‘rg‘a o‘tkazardim. Toshkent bozori men uchun juda serhosil.
O‘zbekistonga ko‘chib o‘tishning eng oson yo‘li — IT mutaxassis bo‘lish
Ruslan ismli IT mutaxassis hozir o‘z biznesini Moskvadan O‘zbekistonga o‘tkazmoqda:
To‘g‘risini aytsam, Rossiyadan ketish niyatim yo'q edi, lekin vaziyat tufayli butun biznesim barbod bo‘ldi. Ko‘pgina shartnomalar Amerika va Yevropa loyihalari bilan bog‘liq edi. Shu uchun O‘zbekistonga kelishim bilan ro‘yxatdan o‘tganman, xalqaro kartalarini ochdim — biz uchun xalqaro to‘lovlar juda muhim.
Ukrainada urush boshlanganidan keyin qancha rossiyalik o‘z mamlakatni tark etganini aniqlashning iloji yo‘q. Rasmiylar bunday statistikani saqlamaydilar, ammo mutaxassislarning fikriga ko‘ra, kamida 200 ming kishi haqida gapirish mumkin.
Avvalroq O‘zbekistonga ko‘chib o‘tgan belaruslik IT mutaxassislar taassuroti haqida xabar berilgan edi.
Izoh (0)