AOKAda o‘tkazilgan brifingda Yoshlar ishlari agentligi axborot xizmati rahbari Nodir Abduqodirov mahallalarda yoshlar bilan ishlash masalalarini muvofiqlashtirish bo‘yicha respublika komissiyasi tomonidan 3-fevral—31-mart kunlari amalga oshirilgan chora-tadbirlar yuzasidan ma’lumot berdi.
Qayd etilishicha, 18 ta vazirlik va idoralar rahbar xodimlari ishtirokida mahallalarda 42 mingga yaqin yoshlar yetakchisi, hokim yordamchisi, maktab direktorlari, mahalla raisi, profilaktika inspektori va sektor rahbarlari bilan ochiq muloqotlar o‘tkazilgan. Natijada 9 348 ta mahalla, 10 130 ta maktab, 721 ta professional ta’lim va 159 ta oliy ta’lim muassasasida “yoshlar balansi” to‘liq shakllantirilgan. Shu asosda 16—30 yoshdagi jami 7 million 446 ming 730 nafar yosh bilan mahallalarda ishlash holati baholangan va 2 364 ta mahalla qizil (25,4 foiz), 5 474 tasi (58,8 foiz) sariq, 1 471 tasi yashil (15,8 foiz) toifaga ajratilgan.
O‘tgan vaqt davomida 131 ming 510 nafar ishsiz va ijtimoiy himoyaga muhtoj yosh “yoshlar daftari”ga kiritilgan. 32 350 nafarini (24,5 foiz) kasb-hunarga o‘qitish, mehnat qurollari, urug‘lik va ko‘chat xarid qilishga subsidiya ajratish, kontrakt to‘lovini to‘lash uchun 65,4 milliard so‘m yo‘naltirilgan. 61 mingdan ziyod yoshlarga yer maydonlari ajratilgan.
Mavzuga doir:
- O‘zbekistonda “daftarlar”ga kiritilgan fuqarolarni teatr, muzey va konsertlarga bepul chiptalar bilan ta’minlash amaliyoti yo‘lga qo‘yiladi
- O‘zbekiston uch oyda “yoshlar daftari”ga kiritilgan 271 mingdan ortiq yigit-qizning bandligi ta’minlandi
- O‘zbekistonda “yoshlar daftari”ga kiritilganlarga 980 ming so‘mgacha bir martalik yordam ko‘rsatiladi
Izoh (0)