АОКАда ўтказилган брифингда Ёшлар ишлари агентлиги ахборот хизмати раҳбари Нодир Абдуқодиров маҳаллаларда ёшлар билан ишлаш масалаларини мувофиқлаштириш бўйича республика комиссияси томонидан 3 февраль—31 март кунлари амалга оширилган чора-тадбирлар юзасидан маълумот берди.
Қайд этилишича, 18 та вазирлик ва идоралар раҳбар ходимлари иштирокида маҳаллаларда 42 мингга яқин ёшлар етакчиси, ҳоким ёрдамчиси, мактаб директорлари, маҳалла раиси, профилактика инспектори ва сектор раҳбарлари билан очиқ мулоқотлар ўтказилган. Натижада 9 348 та маҳалла, 10 130 та мактаб, 721 та профессионал таълим ва 159 та олий таълим муассасасида «ёшлар баланси» тўлиқ шакллантирилган. Шу асосда 16—30 ёшдаги жами 7 миллион 446 минг 730 нафар ёш билан маҳаллаларда ишлаш ҳолати баҳоланган ва 2 364 та маҳалла қизил (25,4 фоиз), 5 474 таси (58,8 фоиз) сариқ, 1 471 таси яшил (15,8 фоиз) тоифага ажратилган.
Ўтган вақт давомида 131 минг 510 нафар ишсиз ва ижтимоий ҳимояга муҳтож ёш «ёшлар дафтари»га киритилган. 32 350 нафарини (24,5 фоиз) касб-ҳунарга ўқитиш, меҳнат қуроллари, уруғлик ва кўчат харид қилишга субсидия ажратиш, контракт тўловини тўлаш учун 65,4 миллиард сўм йўналтирилган. 61 мингдан зиёд ёшларга ер майдонлари ажратилган.
Мавзуга доир:
- Ўзбекистонда «дафтарлар»га киритилган фуқароларни театр, музей ва концертларга бепул чипталар билан таъминлаш амалиёти йўлга қўйилади
- Ўзбекистон уч ойда «ёшлар дафтари»га киритилган 271 мингдан ортиқ йигит-қизнинг бандлиги таъминланди
- Ўзбекистонда «ёшлар дафтари»га киритилганларга 980 минг сўмгача бир марталик ёрдам кўрсатилади
Изоҳ (0)