Toshkentda ta’mirlash ishlari sabab 6 ta ko‘chada harakat vaqtincha cheklanadi

Toshkent shahrida ta’mirlash ishlari sabab bir qator ko‘chalarda transport harakati vaqtincha cheklanadi. Bu haqda shahar hokimligi xabar qildi.

Qayd etilishicha, yo‘l ta’mirlash ishlari sababli quyidagi ko‘chalarda transport harakati vaqtincha cheklanib, yo‘llarning bir tarafi yopiladi:

• Yunusobod tumanidagi Bog‘ishamol ko‘chasi;
• Shayxontohur tumanidagi Labzak ko‘chasi;
• Olmazor tumanidagi Zarqaynar ko‘chasi;
• Olmazor tumanidagi Sag‘bon va Abdulla Nabiyev ko‘chalari chorrahasi;
• Uchtepa tumanidagi Istirohat ko‘chasi.

Avvalroq Toshkent shahar hokimi Jahongir Ortiqxo‘jayev mas’ullarga 10 kun muddatda Toshkentdagi asosiy yo‘llarni ta’mirlash topshirig‘ini bergandi. “Kerak bo‘lsa, kechqurun ishlaysizlar. 10 kundan oshib ketsa, kechirilmaydi. Xato qilishga haqqinglar yo‘q”, — degan shahar hokimi.

Eslatib o‘tamiz, Toshkent shahrida Ramazon oyi kechalaridagi tarovih namozi munosabati bilan har kuni 18:00 dan 00:00 ga qadar masjidlar yaqinidagi yo‘llar transport vositalari harakati uchun berkitiladi.