Тошкент шаҳрида таъмирлаш ишлари сабаб бир қатор кўчаларда транспорт ҳаракати вақтинча чекланади. Бу ҳақда шаҳар ҳокимлиги хабар қилди.
Қайд этилишича, йўл таъмирлаш ишлари сабабли қуйидаги кўчаларда транспорт ҳаракати вақтинча чекланиб, йўлларнинг бир тарафи ёпилади:
- Юнусобод туманидаги Боғишамол кўчаси;
- Шайхонтоҳур туманидаги Лабзак кўчаси;
- Олмазор туманидаги Зарқайнар кўчаси;
- Олмазор туманидаги Сағбон ва Абдулла Набиев кўчалари чорраҳаси;
- Учтепа туманидаги Истироҳат кўчаси.
Аввалроқ Тошкент шаҳар ҳокими Жаҳонгир Ортиқхўжаев масъулларга 10 кун муддатда Тошкентдаги асосий йўлларни таъмирлаш топшириғини берганди. «Керак бўлса, кечқурун ишлайсизлар. 10 кундан ошиб кетса, кечирилмайди. Хато қилишга ҳаққинглар йўқ», — деган шаҳар ҳокими.
Эслатиб ўтамиз, Тошкент шаҳрида Рамазон ойи кечаларидаги таровиҳ намози муносабати билан ҳар куни 18:00 дан 00:00 га қадар масжидлар яқинидаги йўллар транспорт воситалари ҳаракати учун беркитилади.
Изоҳ (0)