1-aprel holatiga ko‘ra, O‘zbekistonda xorijiy kapital ishtirokidagi 13 656 ta korxona faoliyat yuritmoqda. Bu Davlat statistika qo‘mitasi hisobotida qayd etilgan.
Yil boshidan buyon eng ko‘p Rossiya ishtirokida kompaniyalar tuzilgan – 107. Ikkinchi o‘rinda Turkiya (95), uchinchida Qozog‘iston (46).
Yanvar va fevral oylarida turkiyalik tadbirkorlar O‘zbekistonda korxona ochishda yetakchilik qilgan bo‘lsa, mart oyida birinchi o‘ringa Rossiya tadbirkorlari chiqdi. Ular bir oy ichida 56 ta kompaniya yaratdi. Taqqoslash uchun, yanvarda bu ko‘rsatkich 23 tani, fevralda esa 28 tani tashkil qilgan.
Bunday keskin o‘sish Ukrainada urush boshlanganidan keyin ko‘plab rossiyalik tadbirkorlar Rossiyani tark etib, o‘z bizneslarini boshqa mamlakatlarga ko‘chirishga qaror qilganliklari bilan izohlanadi.
Avvalroq O‘zbekiston barcha IT-mutaxassislar talpinadigan makonga aylana boshlagani haqida xabar berilgan edi.
Izoh (0)