Тошкент шаҳри Шайхонтоҳур туманида ноқонуний диний таълим билан боғлиқ ҳолат аниқланди, деб хабар бермоқда шаҳар Ички ишлар бош бошқармаси.
Қайд этилишича, Тошкент шаҳар ИИББ ва бошқа ҳуқуқ-тартибот органлари ходимлари Шайхонтоҳур туманида профилактик тадбирлар олиб борган. Унда тумандаги ўқув марказларидан бирида Н.К. (43 ёшли) ва М.Р. (19 ёшли) тегишли рухсатларсиз диний адабиётдан фойдаланган ҳолда дарс ўтгани аниқланган.
Ҳолат бўйича Маъмурий жавобгарлик тўғрисидаги кодекснинг 241-моддасига (диний таълимотдан сабоқ бериш тартибини бузиш) асосан суд томонидан аёлларга нисбатан қонуний чора кўрилган.
Аввалроқ Фарғонада уйида ноқонуний ҳужра ташкил қилган шахслар 10 суткага қамалгани хабар қилинганди. Шунингдек, Сурхондарёда уйида вояга етмаган болаларга диний сабоқ берган эркак жаримага тортилгани, Қашқадарёда 13 нафар вояга етмаган болага ноқонуний диний таълим бериш билан шуғулланган она-бола аниқлангани ҳақида хабар берилган.
Изоҳ (0)