Toshkent shahar jamoat transporti (avtobuslar) dan bir oy mobaynida yo‘lovchilar eng kam va eng ko‘p foydalangan yo‘nalishlar ma’lum qilindi. Bu haqda “Toshshahartransxizmat” xabar qildi.
Qayd etilishicha, 1—31-mart holatiga ko‘ra, eng ko‘p foydalanilgan yo‘nalishlar:
- 131-sonli yo‘nalish - 265 025
- 93-sonli yo‘nalish - 175 803
- 58-sonli yo‘nalish - 171 271
- 141-sonli yo‘nalish - 2 805
- 196-sonli yo‘nalish - 3 765
- 113-sonli yo‘nalish - 6 708
- Mercedes-Benz LF - 3 118 700
- Isuzu - 2 648 276
- Man - 1 773 924
- Saz LE 60 - 822 381
- Youtong (elektrobus) - 244 195
Eslatib o‘tamiz, 2022-yilning may oyigacha Toshkent avtobuslari konduktor ishtirokisiz naqd to‘lovni onlayn qayd qilish tizimi bilan jihozlanadi. Ta’kidlanishicha, xizmat ko‘rsatish sifatidan kelib chiqqan holda jamoat transportini moliyalashtirishning yangi tizimiga o‘tish prezident qarori bilan ko‘zda tutilgan.
Shavkat Mirziyoyev 19-yanvar kuni Toshkent shahrida jamoat transportini rivojlantirish chora-tadbirlari bo‘yicha taqdimot bilan tanishgandi. Unda Toshkentdagi jamoat transporti yuzasidan mas’ul mutasaddilarni tanqid qilgan: “6 oylikda nima qilamiz, 3 oylikda nima qilamiz, yil yakunida-chi? Yuring prezident, avtobusga mining, deb bir marshrutni ko‘rsat, eng og‘ir hududingdan boshla. Men ham avtobusda yurishni xohlayman. Ko‘z-ko‘z qilish uchun emas, odamlarga xavfsiz, erkin, arzon va sifatli transport kerak”.
Avvalroq Toshkent jamoat transportida harakatlanish oraliq vaqti 2 barobarga qisqarishi, Toshkent shahri jamoat transporti uchun kelgusi to‘rt yil davomida 1043 ta yangi avtobus va elektrobuslar sotib olinishi xabar qilingan edi.
Izoh (0)