Toshkent shahar hokimi Jahongir Ortiqxo‘jayev Sergeli tumanidagi sayyor qabulga shaxmat maktabi ochish taklifi bilan kelgan fuqaroga Spark sovg‘a qildi. Bu haqda Toshkent shahar hokimi rasmiy Telegram kanalida e’lon qilindi.
Sergeli tumanida 10-aprel kuni o‘tkazilgan sayyor qabulda gapirishda nuqsoni bo‘lgan Sirojiddin ismli fuqaro shaxmat maktabi ochish niyatini hokimga aytgan.
Suhbat davomida Jahongir Ortiqxo‘jayev Sergeli tumanidagi bog‘ hududida shaxmat maktabi ochib berilishini va uni o‘zi yuritishini aytgan.
Murojaatchidan “Mashina haydashni bilasizmi?”, deb so‘ragan va tasdiq javobini olgach, hokim qo‘l ostidagilarga “Ertaga shu kishiga prezident nomidan Spark sovg‘a qilinglar”, deb topshiriq bergan.
Aytilishicha, shaxmat bo‘yicha murabbiyning 35 nafardan ortiq shogirdlari jahon va Osiyo musobaqalarida g‘oliblikni qo‘lga kiritgan. Xalqaro grossmeyster Javohir Sindorov ham uning ilk shogirdlaridan biri. U 2008-yili “Shuhrat” medali bilan taqdirlangan.
Izoh (0)