Futbol bo‘yicha Fransiya chempionatining 31-turida “PSJ” 9-aprel, shanba kuni “Klermon” bilan bahs yuritdi.
“Klermon” mezbonligida o‘tgan bellashuvda umumiy hisobda 7 ta gol urildi, shulardan 6 tasi parijliklar hisobiga to‘g‘ri kelgan bo‘lsa, mezbonlarda bu ko‘rsatkich bittani tashkil qildi. Kilian Mbappe va Neymar o‘z hisobiga 3 tadan gol yozdirib qo‘ydi. Lionel Messi esa 3 ta golga hammualliflik qildi.
Ushbu g‘alabadan keyin “PSJ”ning ochkolari soni 71 taga yetdi. Jamoa 2-o‘rindagi “Renn”dan 15 ochkoga ilgarilab ketgan. “Klermon” esa 17-pog‘onani band etib turibdi.
Liga 1
31-tur bahslari
9-aprel, shanba
“Klermon” – “PSJ” 1:6
Gollar: 0:1 – 6 Neymar, 0:2 – 19 Mbappe, 1:2 – 42 Dossu, 1:3 – 71, penalti Neymar, 1:4 – 74 Mbappe, 1:5 – 80 Mbappe, 1:6 – 83 Neymar.“Klermon”: Dema, Zedadka, Billong (Ojye, 90), Seydu, Mendi, Gastyen, Bertomye (Kye, 67), Dossu (Allevina, 66), Kaui (Da Kunya, 67), Manyen, Bayo (Buskets, 84).
“PSJ”: Donnarumma, Hakimi (Ebimbe, 86), Ramos, Kimpembe (Kerer, 79), Mendesh (Bernat, 85), Guye (Veynaldum, 67), Danilu Pereyra, Verratti (Mishyu, 85), Messi, Neymar, Mbappe.
Ogohlantirishlar: Neymar (53), Gastyen (70).
Izoh (0)