«Насаф» бош мураббийи Рўзиқул Бердиев Осиё Чемпионлар Лигаси 1-тури доирасида кечган «Ас-Садд» қарши учрашувдан (1:1) кейин ўз фикрлари билан ўртоқлашди.
Ўйин ҳақидаЭслатиб ўтамиз, 1:1 ҳисобида якунланган ўйиннинг ҳар иккала бўлимида Қатар клубининг бир нафардан футболчиси қизил карточка олиб, майдонни тарк этди.Ўйин қизиқарли воқеликларга бой бўлди. Голлар, қизил карточкалар. Ўйиннинг боришига қарайдиган бўлсангиз, биз ғалаба қозонишимиз шарт эди. Жуда очиқ ўйин бўлди. Бир вазият орқали бирор жамоа ғалабани илиб кетиши ҳам мумкин эди.
Натижа «Насаф»ни қай даражада қониқтиргани ҳақида
Қийин баҳс бўлишини билардик, шу сабабли бир очкога ҳам рози бўлардик. Аммо рақиб аввалига бир киши кам бўлиб қолганидан кейин ғалаба ҳақида ўйладик. Кейинчалик улар яна бир киши кам бўлиб қолди. Менимча, икки очко йўқотдик.
Рақиб икки киши кам бўлиб қолганидан кейин «Насаф»нинг тўлиқ устунлик қила олмагани, хусусан охирги 30 дақиқа ичида 2 та зарба бергани ҳақида
Албатта, бу бизнинг камчилигимиз. Охирги пайтларда ё сўнгги пасни берадиган ёки сўнгги зарбани йўллайдиган футболчи топилмаяпти. Рақиб камчилик бўлиб қолганидан кейин бутун таркиб билан ҳимояга ётиб олишди. Шу сабабли зарба беришга қийналдик. Ёддан чиқарманг, бу «Ас-Садд» жамоаси. Улар ҳатто камчилик бўлиб ҳам дарвозамиз олдида хавфли вазият ярата олди. Шунинг учун ҳам ҳар қандай бундай рақиблар билан эҳтиёт бўлиб ўйнаш керак.
Рўзиқул Бердиев, «Насаф» бош мураббийи
E гуруҳдаги иккинчи — «Ал-Виҳдат» — «Ал-Файсали» баҳсида (1:1) ҳам дуранг натижа қайд этилди. 1-турдан кейин барча жамоаларнинг кўрсаткичлари бир хил. ОЧЛ гуруҳ ўйинлари Саудия Арабистонида марказлашган тизимда ўтказилмоқда.
Изоҳ (0)