Atlas VPN tadqiqot kompaniyasi 2022-yilning birinchi choragida butun dunyoda xakerlar tomonidan 1,3 milliard dollarlik mablag‘ blokcheyn-platformalardan o‘g‘irlangani va bu rekord ko‘rsatkichligini ma’lum qildi.
Birinchi chorakda kiberhujumlar soni bo‘yicha ham rekord o‘rnatilib, ular 78 tani tashkil etgan, bu 2021-yilning mos davriga nisbatan 136 foizga ko‘p. Avvalgi rekord 2019-yilda qayd etilgan va o‘shanda bu kabi hujumlar soni 62 tani tashkil qilgandi.
Xakerlar asosan Ethereum va Solana ekotizimlaridan taxminan 1 milliard dollar (mos ravishda biridan 636 million hamda ikkinchisidan 396 million dollar) mablag‘ o‘g‘irlagan. Xakerlar hujumining asosiy obyekti NFT tokenlari bo‘lgan: ularga nisbatan 20 ta hujum uyushtirilgan. Ikkinchi o‘rinda 18 marta hujumga uchragan Ethereum platformalari turibdi.
Atlas VPN tadqiqotchilari tahliliy ma’lumotlar yuzasidan izoh berib, barcha investorlar va kriptovalyutaga pul tikayotgan potensial investorlarni blokcheyn texnologiyalarining xavfsizlik masalalariga jiddiy e’tibor qaratishga chaqirgan.
“Blokcheynlarga xakerlik hujumlarining ko‘pchilik qismi loyiha kodida bo‘shliqlar borligidan unumli foydalanadigan kiberjinoyatchilar tomonidan amalga oshirilmoqda”,— deya axborot bergan kompaniya tahlilchilari.
Mavzuga doir:
- Xakerlar Rossiya hakamlik sudlarining saytlarini buzib kirdi va Putinni “1-raqamli terrorchi” deb atagan bayonot qoldirdi
- Ukraina katta miqyosdagi DDoS-hujumlar kuzatilganini e’lon qildi: mamlakat mudofaa vazirligi va davlat banklarining saytlari ochilmayapti
- Xakerlar o‘g‘irlagan kriptovalyuta evaziga amalga oshirilayotgan raketa dasturi. KXDRning qurollanish sxemasi haqida
- Hindiston bosh vazirining Twitter akkaunti xakerlar tomonidan buzildi. Unda bitkoin qonuniylashtirilgani haqida tvit paydo bo‘ldi
Izoh (0)