Atlas VPN тадқиқот компанияси 2022 йилнинг биринчи чорагида бутун дунёда хакерлар томонидан 1,3 миллиард долларлик маблағ блокчейн-платформалардан ўғирлангани ва бу рекорд кўрсаткичлигини маълум қилди.
Биринчи чоракда киберҳужумлар сони бўйича ҳам рекорд ўрнатилиб, улар 78 тани ташкил этган, бу 2021 йилнинг мос даврига нисбатан 136 фоизга кўп. Аввалги рекорд 2019 йилда қайд этилган ва ўшанда бу каби ҳужумлар сони 62 тани ташкил қилганди.
Хакерлар асосан Ethereum ва Solana экотизимларидан тахминан 1 миллиард доллар (мос равишда биридан 636 миллион ҳамда иккинчисидан 396 миллион доллар) маблағ ўғирлаган. Хакерлар ҳужумининг асосий объекти NFT токенлари бўлган: уларга нисбатан 20 та ҳужум уюштирилган. Иккинчи ўринда 18 марта ҳужумга учраган Ethereum платформалари турибди.
Atlas VPN тадқиқотчилари таҳлилий маълумотлар юзасидан изоҳ бериб, барча инвесторлар ва криптовалютага пул тикаётган потенциал инвесторларни блокчейн технологияларининг хавфсизлик масалаларига жиддий эътибор қаратишга чақирган.
«Блокчейнларга хакерлик ҳужумларининг кўпчилик қисми лойиҳа кодида бўшлиқлар борлигидан унумли фойдаланадиган кибержиноятчилар томонидан амалга оширилмоқда»,— дея ахборот берган компания таҳлилчилари.
Мавзуга доир:
- Хакерлар Россия ҳакамлик судларининг сайтларини бузиб кирди ва Путинни «1-рақамли террорчи» деб атаган баёнот қолдирди
- Украина катта миқёсдаги DDoS-ҳужумлар кузатилганини эълон қилди: мамлакат мудофаа вазирлиги ва давлат банкларининг сайтлари очилмаяпти
- Хакерлар ўғирлаган криптовалюта эвазига амалга оширилаётган ракета дастури. КХДРнинг қуролланиш схемаси ҳақида
- Ҳиндистон бош вазирининг Twitter аккаунти хакерлар томонидан бузилди. Унда биткоин қонунийлаштирилгани ҳақида твит пайдо бўлди
Изоҳ (0)