Самарқанд вилояти Нарпай туманида 6 апрель куни товламачилик йўли билан пул ундирмоқчи бўлган блогер ушланди. Бу ҳақда вилоят Ички ишлар бошқармаси хабар қилди.
Қайд этилишича, шу туманда яшовчи блогер Н.Х. (1995 йилда туғилган) туман ҳокимлиги мансабдорларидан моддий маблағ ундиришни мақсад қилиб, уларнинг фаолияти хусусидаги асоссиз ва нохолис материалларни ижтимоий тармоқларда тарқатиш йўли билан таҳдид қилган. Маълумотларни тарқатмаслик эвазига 15 миллион сўм миқдоридаги пулларни товламачилик йўли билан талаб қилган.
6 апрель куни Самарқанд вилояти ИИБ ЖҚБ Коррупция ва иқтисодий жиноятларга қарши кураш бўлими ходимлари томонидан тезкор тадбир ўтказилган. Унда Н.Х. мансабдор шахсдан товламачилик йўли билан 15 миллион сўм миқдоридаги пулларни олаётган вақтида ашёвий далиллар билан ушланган.
Ҳолат юзасидан терговга қадар текширув ҳаракатлари олиб борилмоқда.
Изоҳ (0)