“PSJ” “Manchester Yunayted” yarim himoyachisi Pol Pogbani o‘z safiga qo‘shib olish uchun harakat qilmoqda.
Parij jamoasi Pogbaga taklif bilan chiqqan, deya xabar beradi Manchester Evening News. Biroq “PSJ” yarim himoyachiga mankunianliklar oxirgi paytlarda shartnomani uzaytirish uchun taklif qilgan maoshdan ham kamroq mablag‘ va’da qilgan.
Fransuzning o‘zi ham parijliklar bilan muzokaralarga ochiq, ammo “Yuventus”ga qaytishni afzal ko‘rmoqda. Avvalroq, “Yuventus” Pol Pogbani ortga qaytarmoqchi ekanligi haqida xabar qilingandi.
Pogba 2021/22-yilgi mavsum APLda “Manchester Yunayted” safida 17 ta o‘yinda maydonga tushib, bitta gol va 9 ta golli uzatmaga mualliflik qildi. Fransuzning “qizil iblislar” bilan amaldagi shartnomasi 2022-yil iyun oyida nihoyasiga yetadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)