“Atletiko” so‘nggi 4 yildagi eng yaxshi g‘alabali seriyasini qayd etdi. Jamoaning keyingi raqibi “Manchester Siti” bo‘ladi

“Atletiko” La Liga 30-turi doirasidagi 2-aprel kungi o‘yinda “Alaves”ni 4:1 hisobida mag‘lubiyatga uchratdi.

Diyego Simeone jamoasi Primerada so‘nggi bor 16-fevral kuni “Levante”ga imkoniyatni boy bergandi. Shundan keyin jamoa oltita o‘yinda g‘alaba qozondi. To‘plar nisbati — 15:3.

Barcha musobaqalar doirasidagi mag‘lubiyatsiz seriya 8 o‘yinga yetdi (7 g‘alaba, 1 durang).

Barcha musobaqalar doirasida olti o‘yindan iborat g‘alabali seriya — “Atletiko” uchun 2018-yildan keyingi eng yaxshi natija. O‘sha yilning yanvar va fevral oylarida Madrid klubi qatorasiga 8 o‘yinda g‘alaba qozongandi.

“Matraschilar”ning keyingi o‘yini Chempionlar Ligasida 5-aprel kuni “Manchester Siti”ga qarshi bo‘ladi.