“Real” hujumchisi Karim Benzema La Liga 30-turi doirasida “Selta”ga qarshi kechgan bahsda (2:1) dublga erishdi.
Fransiyalik futbolchi ikkita penaltini aniq amalga oshirgan holda jamoasiga g‘alaba olib keldi. Hujumchi yana bir 11 metrlik zarbasini ijro etishda xatoga yo‘l qo‘ydi.
“Real” La Liga tarixida bunga qadar uch marta bir o‘yinda uchta penaltiga ega bo‘lgandi. Bu Madrid jamoasi uchun joriy mavsumdagi 10-penalti bo‘ldi, “Real” bu borada boshqa jamoalarni ortda qoldirmoqda.
Benzema “Real” safida joriy mavsumdagi 34-golini urdi.
Karim “Real” safida bir mavsumdagi gollari soni bo‘yicha shaxsiy rekordini yangiladi. Bunga qadar 34 yoshli futbolchining eng yaxshi natijasi 2011/12-yilgi mavsumda qayd etilgandi (32 ta gol).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)