Shavkat Mirziyoyev 1-aprel kuni mamlakatda tashrif bilan bo‘lib turgan Ozarbayjon Milliy Majlisi raisi Sohiba Gafarovani qabul qildi. Bu haqda Prezident matbuot xizmati xabar qildi.
Qayd etilishicha, parlament rahbari O‘zbekiston yetakchisiga samimiy qabul uchun minnatdorlik bildirib, Ozarbayjon prezidenti Ilhom Aliyevning salomi va ezgu tilaklarini yetkazgan.
Uchrashuvda hamkorlikning barcha sohalarida – iqtisodiyot, siyosat, parlamentlararo aloqalar, madaniyat va ijtimoiy sohada muvaffaqiyatlarga erishilayotgani, barcha darajalarda faol muloqotlar, rasmiy delegatsiyalar, biznes va jamoatchilik vakillarining o‘zaro tashriflari davom ettirilayotgani ta’kidlangan. Keyingi yillarda, pandemiyaga qaramay, tovar ayirboshlash 4 karra oshgani, joriy yil boshidan savdo 25 foizga oshib, ikki yuzdan ortiq qo‘shma korxona tashkil etilgani qayd etilgan.
Ayni paytda parlamentlar O‘zbekiston va Ozarbayjon xalqlarining bevosita vakillari sifatida “xalq diplomatiyasini” ilgari surishi, shu jumladan, hududlar o‘rtasidagi aloqalarni mustahkamlashi, iqtisodiy va gumanitar loyihalarni qo‘llab-quvvatlashda muhim o‘rin tutishlari kerakligi ko‘zda tutilgan.
Mavzuga doir:
- Shavkat Mirziyoyev hokimlik va vazirliklarga yil yakuniga qadar avtomobil, mebel, ofis anjomlari xarid qilishni taqiqladi
- Shavkat Mirziyoyev va Rajab Toyyib Erdo‘g‘on Toshkent viloyatidagi IESni ishga tushirish marosimida qatnashdi
- Shavkat Mirziyoyev Rossiya iqtisodiy rivojlanish vaziri bilan uchrashdi
Izoh (0)