Hukumat qarori bilan Avaz Mansurov O‘zbekiston davlat konservatoriyasi huzuridagi Botir Zokirov nomidagi Milliy estrada san’ati institutining rektori etib tayinlandi. Bu haqda Telegram’dagi “Huquqiy axborot” kanali xabar qildi.
Ma’lumot uchun, mazkur institut prezident qarori bilan 2021-yil 16-oktabrda tashkil etilgan. Institutda ta’lim faoliyati 2021/2022-o‘quv yilidan boshlanib, ta’lim davlat granti hamda to‘lov-kontrakt asosida amalga oshiriladi.
2022/2023-o‘quv yilidan boshlab, bakalavriatda 2 ta yangi ta’lim yo‘nalishi (bastakorlik san’ati, san’atshunoslik: musiqashunoslik) va magistraturada 2 ta yangi mutaxassislik (ovoz rejissorligi: musiqiy ovoz rejissorligi, musiqa san’ati) ochiladi.
Institutning asosiy vazifalari etib:
- yuqori malakali mutaxassislar va ilmiy-pedagog kadrlarni tayyorlash;
- milliy estrada yo‘nalishida zamonaviy ijro namunalarining “Oltin fondi”ini yaratish hamda ularni notaga ko‘chirish va amaliyotga keng joriy etish;
- milliy estrada yo‘nalishi bo‘yicha fundamental, amaliy va ijodiy izlanish hamda tadqiqotlar olib borish belgilandi.
Izoh (0)