Farg‘ona shahrida tadbirkorlikni bahona qilib, aldov yo‘li bilan fuqaroning mablag‘larini qo‘lga kiritgan ayolga jinoyat ishi qo‘zg‘atildi. Bu haqda Farg‘ona viloyati Ichki ishlar boshqarmasi xabar qildi.
Qayd etilishicha, 2021-yilning 5-dekabr kuni S.O. ismli ayol IIBga murojaat qilgan. Unda 2021-yilning iyun oyida noma’lum shaxs ishonchiga kirib, birga tadbirkorlik qilib, ko‘rilgan foydani teng taqsimlashini aytib, 28 ming dollarini olganini aytgan. U bergan va’dasini bajarmasdan, aldov yo‘li bilan pullarni qo‘lga kiritgan.
Holat yuzasidan Jinoyat kodeksining 168-moddasi 4-qismi “a” bandi (juda ko‘p miqdorda firibgarlik) bilan jinoyat ishi qo‘zg‘atilgan. Olib borilgan tezkor qidiruv harakatlari davomida ushbu jinoyatni N.A. ismli ayol sodir etgani aniqlanib, protsessual tartibda ushlangan.
Ma’lumot uchun, yuqorida ko‘rsatilgan jinoyatni sodir etgan shaxs o‘n yilgacha ozodlikdan mahrum qilish bilan jazolanishi mumkin.
Izoh (0)