Abdulaziz Aqqulov O‘zbekistonning BAAdagi favqulodda va muxtor elchisi lavozimiga tayinlandi, deb xabar bermoqda Telegram’dagi “Nigoh” kanali.
Avvalgi elchi Baxtiyor Ibragimov 2020-yilning fevralida TIV Iqtisodiy diplomatiya departamenti direktori lavozimiga tayinlangan edi.
Ma’lumot uchun, Abdulaziz Aqqulov 1985-yilda tug‘ilgan. 2007-yilda Toshkent davlat iqtisodiyot universitetining magistratura bosqichini tamomlagan. Mehnat faoliyatini 2005-yilda “O‘zstandart” agentligida mutaxassis lavozimidan boshlagan. 2006—2017-yillarda “O‘zbekturizm” milliy kompaniyasida turli lavozimlarda ishlagan.
2017—2018-yillarda Turizmni rivojlantirish davlat qo‘mitasi Axborot-tahlil boshqarmasi boshlig‘i, 2018-yilda Turizmni rivojlantirish davlat qo‘mitasi raisi o‘rinbosari, 2018—2020 yillarda Turizmni rivojlantirish davlat qo‘mitasi raisi vazifasini vaqtincha bajaruvchisi, 2020—2021 yillarda Turizmni rivojlantirish davlat qo‘mitasi raisining birinchi o‘rinbosari lavozimlarida faoliyat yuritgan.
Tayinlovga qadar 2021-yil 9 aprelidan buyon Turizm va sport vaziri o‘rinbosari lavozimida ishlab kelayotgan edi.
Izoh (0)