“Real” chap qanot himoyachisi Marseloga o‘rinbosar topish uchun katta pul sarflamoqchi emas.
Braziliyalik himoyachining madridliklar bilan shartnomasi 2022-yilning yozida o‘z nihoyasiga yetadi. “Qaymoqranglilar” Marseloning o‘rniga ikki nafar futbolchi nomzodini ko‘rib chiqmoqda, deya xabar beradi Marca.
Birinchi nomzod, madridliklarning o‘z tarbiyalanuvchisi, La Ligada 3 ta o‘yinda maydonga tushgan Migel Gutyerres. Biroq murabbiylar shtabi 20 yoshli futbolchining mahoratiga shubha bilan qaramoqda va uning rivojlanishi uchun boshqa jamoaga ijaraga berish variantini ham ko‘rib chiqmoqda.
Ikkinchi nomzod, “Rayo Valyekano”da to‘p surayotgan Fran Garsiya. Futbolchi “qaymoqranglilar” tarbiyalanuvchisi hisoblanadi va Garsiya transferining 50% qismi madridliklarga tegishli. Uni jamoaga qaytarish 5 million yevroga tushishi mumkin. 22 yoshli Garsiyaning “Real”ga qaytish imkoniyati oshgan.
Fran “Rayo Valyekano” safida La Ligada 26 o‘yinda maydonga tushib, bitta golga mualliflik qildi.
Avvalroq “Real” yozda deyarli 10 nafar futbolchisi bilan xayrlashishni rejalashtirayotgani xabar qilingandi.
Izoh (0)