Angliya terma jamoasi 26-mart kuni bo‘lib o‘tgan o‘rtoqlik uchrashuvida Shveysariyani mag‘lubiyatga uchratdi (2:1).
Garet Sautgeyt shogirdlari penaltilar seriyasigacha borgan o‘yinlarni hisoblamaganda so‘nggi bor 2020-yilning noyabrida mag‘lubiyatga uchragandi. O‘shanda “uchsherlar” Millat Ligasi doirasida Belgiyaga yengilgandi (2:0).
Shundan keyin inglizlar 21 ta o‘yin o‘tkazdi, ularning 17 tasida g‘alaba, to‘rttasida esa durang qayd etildi. Bu Angliya terma jamoasi tarixidagi eng uzun mag‘lubiyatsiz seriya hisoblanadi.
2021-yilning yozida Angliya Yevro—2020 finalida Italiyaga qarshi kechgan bahsda penaltilar seriyasida yutqazgandi (1:1, 2:3). Biroq bu statistikada durang sifatida sanaladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)