Hujumchi Kilian Mbappe “PSJ”dagi vaziyatdan to‘ygan.
As nashrining yozishicha, Fransiya terma jamoasi qarorgohida Pol Pogba Kiliandan Parij jamoasidagi vaziyatga munosabatini so‘ragan. U kameralarga tushib qolmaslikka harakat qilgan holda kiyim almashtirish xonasida sodir bo‘layotgan so‘nggi voqealardan to‘yganini pichirlagan.
So‘nggi ma’lumotlarga ko‘ra, jamoada ahillik yo‘qolgan. Bosh murabbiy Maurisio Pochettinoning ham boshqaruvni yo‘qotgani aytib kelinadi.
Bundan tashqari, Neymar klub uni sotib yubormoqchi ekanligini eshitgach, mashg‘ulotlarga jiddiy yondashmay qo‘ygan. Ayrim manbalarda hatto uning klub qarorgohiga mast holatda kelgani yozildi. Matbuot va muxlislar Neymar bilan birga kutilgan o‘yinni namoyish etolmayotgan Lionel Messi hamda jarohatlar tufayli deyarli maydonga tushmayotgan Serxio Ramosni ham tanqid qilib kelmoqda.
Mbappening “PSJ” bilan shartnomasi 2021/22-yilgi mavsum oxirigacha amal qiladi. Tomonlar muddatni uzaytirish bo‘yicha haligacha kelishmagan. Yozda u katta ehtimol bilan “Real”ga o‘tishi kutilmoqda.
Izoh (0)